سوق العمل كسبب فشل للمبرمج

[مصطفى الشريف]

السلام عليكم ورحمه الله

حد يعرف برنامج اسمه ABBYY FineReader

ايوه البرنامج ده http://finereader.abbyy.com/



اللي ميعرفهوش هو برنامج يقوم بالتعرف على الحروف المرسومه (المطبوعه على الكتب او مكتوبه بخط اليد)

يعني لو سيادتك معلش في الكلمه - أتعميت - وعاوذ تقرأ كتاب ممكن البرنامج ده يساعدك في قرائه النصوص !!! بأنك تسحب صوره من ال Scaner وبعدين البرنامج يتعرف عليها واخيراً تسمع الكلام من خلال برنامج ال Narrator او تحفضها بأي نوع ملفات نصيه مثل TXT او Doc .



على الرغم من ان البرنامج يدعم الكثييير من اللغات صيني وعبري حتى C/C++

http://www.abbyy.com/support/finereader_...Languages/

الا انه لايدعم العربي

سيبك من البرنامج ده اصل في غيره كتييير ومنهم من يدعم العربيه ولكن الصراحه كفائتهم ضعيفه ذلك النوع من البرامج قائم على تكنولوجيا Optical Character Recognition او التعرف البصري على الحروف وهو ليس بالشء الجديد والأخوه الباش مهندسين يعرفوا ذلك المفهوم تحت مصطلح تحليل الأنماط Pattern Analysis لكن للأسف ذلك النوع من البرامج غير موجود في الوطن العربي بل التكنولوجيا التي تقوم عليها تلك البرامج غير معترف بها في الوطن العربي

على كل حال - ما علاقه هذا بسوق العمل؟؟؟

اخوك يا برنس زي ما انت عارف غاوي برمجه قلت طب ليييه ما نعملش برنامج زي البرامج دي ؟؟؟

وليا واحد صاحبي باش مهندس (لا خريج هندسه بجد)
اتكلمت معاه في الموضوع ...

لكنه نصحني بنسيان هذا الموضوع لأنه مش مطلوب ...
سألته ماهو المطلوب ؟؟

اجاب : برامج المبيعات وقواعد البيانات و مصمم المواقع و مبرمج المواقع...


بما ان انا عايز فلوس علشان عايز اتجوز في اقرب فرصه قررت نسيان الحوار والاندماج مع متطلبات سوق العمل...

على العموم حتى تكون هناك فائده لمن قرأ هذا الموضوع قمت برفع كتاب من احدث الكتب في هذا المجال:-



Character Recognition Systems.rar

لربما (يكون قي حد غاوي و ابوه جايبله شقه ويكون عنده وقت وصبر لغوض المجال وربنا يوفقه و ننجح في توطين تكنولوجيا التعرف على الاطار او Pattern Analysis)

والسلام عليكم

[محمد سعد حميده]

ربنا يوفقك يا مصطفى و يزيدك علم و دين
و على الرغم من نبرة الحزن الموجودة في كلامك لكن و الله انا سعيد بك جدا
انا سعيد اننا يكون عندنا شباب محترم مثلك
اكثر الله من امثالك و لا تياس ابدا مهما حدث
و جاهد في سبيل الله
الجهاد لا يكون بالقتال فقط
و لكن في مجالات العلم و دروب الحياه
فغاية الجهاد ان تكون كلمة الله هي العليا في اي مجال

انا طبعا ابتعدت عن صلب موضوعك و لكنني لست صاحب علم و خبرة كي افتيك و ارد عليك الرد العلمي المناسب
فاقبل مروري المتواضع

[مصطفى الشريف]

اشكرك يا استاذ محمد ولكن انا أقصد اني اوصل رساله

الى المبرمجين بشكل عام بأنهم لا يقفوا في علمهم عند متطلبات سوق العمل.

كذلك الى اصحاب الشركات الذين لا يقدمون جديد في صناعه البرمجيات ولكن فقط منتظرين العملاء لكي تأتي اليهم ويطلبون منهم البرامج التقليديه.